Հայ ծրագրավորողների «CityBugs» նախագիծ;
Կամավորության տոնավաճառ;
«Հայոց Ցեղասպանության Ճանաչում և հատուցում. պատմական արդարության վերականգնման ուղին»;
HuRiCamp չկոնֆերանս;
«ԼԵԴ Հայաստան» բնապահպանական-հասարակական նախաձեռնություն;
«Կովկասյան երկխոսություն – 2014»;
«Աֆրիկյան երիտասարդությունը և Աֆրիկայում խաղաղության մշակույթի զարգացման մարտահրավերը»;
Եվրոպական Միության Մոդելը Ստրասբուրգում:
![](https://blogger.googleusercontent.com/img/b/R29vZ2xl/AVvXsEgAbmqJEmpC-7-NbTkoHZIbLDs7fvXYDOokh6ys8iEDUll-Qe8w5ZjAmlkc-KBPYpelsuuvVlxxlq3iH1iqo_uhc42R1zIxP5lTzxtwEKoyGmjnyZrJLpcRmXhEG4MrsFQbmbSReRp_WPPX/s1600/city-bugs-yerevan.jpg)
Հայ ծրագրավորողների «CityBugs» նախագիծը եվրոպական հեղինակավոր ՏՏ մրցույթում՝ Երիտասարդական եվրոպական մրցանակաբաշխությունում հաղթել է «Ապագայի ապրելակերպ» անվանակարգում«CityBugs»-ը սոցիալական նախագիծ է, որը բարձրացնում է քաղաքի խնդիրները: «CityBugs» ծրագիրը ներբեռնելով Android և IOS օպերացիոն համակարգերով աշխատող հեռախոսների մեջ՝ քաղաքացին կարող է լուսանկարել ցանկացած խնդիր և, այսպես ասած, մեկ «քլիքով» հասցնել պետությանը»:
![](https://blogger.googleusercontent.com/img/b/R29vZ2xl/AVvXsEic6xl7U-rytMwi3RpFcPNizBiQbD5Yr6TJ48MVJ6wNdNrVUad7YTWiHVPXOhRZ5RnLKIAPvkcx5O0R6TeNCRjO3xKSbQifSvs5XgsAb28QHTBJEQxqirsRNE8sEHDtb6B4fRwTvcxQvFuP/s1600/1505602_10201988453791351_8055546348956142019_n.jpg)
ՄԱԿ-ի Հայաստանյան գրասենյակը, ՄԱԿ-ի մանկական հիմնադրամը և գրասենյակում ուսումնական պրակտիկա անցնող երիտասարդները կազմակերպել էին կամավորության տոնավաճառ, որն ուղղված էր երիտասարդության կամավորության խթանմանն ու մարդկանց զարգացման մարտահրավերներին դիմակայելու հարցում ներգրավմանը:
Միջոցառման մասին ամբողջական նյութին կարող եք ծանոթանալ “Երիտասարդական կյանք” հաղորդաշարում:
![](https://blogger.googleusercontent.com/img/b/R29vZ2xl/AVvXsEiGUu-KcMRiFcv4lr_QvAsrbQqaa7GiD_ANg5zkwe5izhe3Yxbi_889CeWn3oqwTESBDuFO8YZ4uJ0BT-g4sWjfNIgsjTtltTPg5ABG0F4WquUnOi1tFJynRQtMJCcXstRSLlE7gXTBXT12/s1600/armenian-genocide-recognition-and-reparations.jpg)
Բանակցության երևանյան կենտրոնը դեկտեմբերի 6-ին Արմենիա Մարիոթ հյուրանոցի և «Տիգրան Մեծ» շքասրահում կազմակերպել էր «Հայոց Ցեղասպանության Ճանաչում և հատուցում. պատմական արդարության վերականգնման ուղին»խորագրով համաժողով, որը նվիրված էր Ցեղասպանության 100-րդ տարելիցին: Միջոցառման մասին ամբողջական նյութին կարող եք ծանոթանալ “Երիտասարդական կյանք”-ում:
![](https://blogger.googleusercontent.com/img/b/R29vZ2xl/AVvXsEhcqJImptdzR4YS80z4efCoxRZAur9VIa4l8E5Q-Cczb3jHelc5hKBQB11Ds1jPFIXbxXGTHxxmcZ0BnVFghIIeP5xRHv2ZKBU2G9dlyLncSmNyeYg3FtLcOYAlm4XED1513x2lalWQYuBm/s1600/10624602_10154926701925608_5840354885726030078_n.jpg)
ՄԱԿ-ի հայաստանյան գրասենյակը, դեկտեմբերի 10-ին, մարդու իրավունքների օրվա առթիվ Հայաստանի Ամերիկյան Համալսարանում կազմակերպել էր առաջին անգամ իրականացվող մարդու իրավունքների վերաբերյալ HuRiCamp չկոնֆերանսին: Միջոցառման նպատակն էր քննարկել Հայաստանում մարդու իրավունքների խնդիրների հետ կապված գաղափարները, լուծումները, մարտահրավերներն ու ձեռքբերումները: Միջոցառման մասին ամբողջական նյութին կարող եք ծանոթանալ “Երիտասարդական կյանք” հաղորդաշարում:
![](https://blogger.googleusercontent.com/img/b/R29vZ2xl/AVvXsEjxBtnHOAmFjp4O54n2JB4g14Gh106aGFNrSKrOYiap5uT_ZcPmbYY4yNMvn0cHe3XR-HSfM7nfMU5Y-f8Dxl8DfhXmh0dEgmgWtO9TYB4hn7qINRIadD34Fs8R45Nb6M3J768XdT54OWBI/s1600/led-armenia.png)
«Երիտասարդ կենսաբանների ասոցիացիա» ՀԿ անդամները «ԼԵԴ Հայաստան» բնապահպանական-հասարակական նախաձեռնության շրջանակներում դեկտեմբերի 8-ին այցելեցին Վայոց ձորի մարզի սահմանամերձ Գոմք համայնք: Այցելության ընթացքում համայնքի բնակիչների համար իրականացվեց զեկուցում ԼԵԴ լամպերի` լուսադիոդային և էներգախնայողության վերաբերյալ, որի ընթացքում բնակիչներին ներկայցվեց ԼԵԴ լամպերի առավելությունները: ԼԵԴ լամպերի տեղադրումը հնարավորություն կտա համայնքի բնակիչներին կրճատել էներգիայի ծախսերը, քանի որ ԼԵԴ լամպերը ծախսում են շուրջ տասը անգամ ավելի քիչ էլեկտրաէներգիա քան շիկացման լամպերը: Լամպերն ունեն 3-6 տարվա կյանքի տևողություն, չեն պարունակում ծանր մետաղներ և ենթակա են վերամշակման:
![](https://blogger.googleusercontent.com/img/b/R29vZ2xl/AVvXsEjrhCceo270CEvL5zAWPbYW_bnfyk9qdpIIyiMRjZdaf_osb8kDOUhxc-GWq-n0STneEX49zw5-d8SPLmhq_p39TRg25uNAvZbbj-vxNmC7g8fpBgLQw9j67edwlb3M7MVJDch3H5ZAug_W/s1600/%D0%BD%D0%B0%D0%B7%D0%B2%D0%B0%D0%BD%D0%B8%D0%B5.jpg)
“Գորչակովի անվան” հանրային դիվանագիտության աջակցման հիմնադրամը դեկտեմբերի 1-ին Նալչիկում բացեց “Կովկասյան երկխոսություն – 2014” վերնագրով գիտակրթական կոնֆերանսը: Միջոցառման նպատակն էր քննարկել Կովկասյան պետությունների ազգային տնտեսական նախագծերը և տարածաշրջանում չլուծված կոնֆլիկտների ու անվտանգության հարցերը:
Նշված միջոցառումը Ա. Մ. Գորչակովի անվան հանրային դիվանագիտության աջակցման հիմնադրամը այս անգամ անցկացնում էր Միջազգային Չերկեզական Ասոցիացիայի հետ: Միջոցառմանը Հայաստանից մասնակցել են «Սերունդ Համահայկական Երիտասարդական Կենտրոն»-ի ղեկավար կազմի անդամները:
![](https://blogger.googleusercontent.com/img/b/R29vZ2xl/AVvXsEjVYd4EBtz9r6-88gtAgN8e1lIsJUCKPplO2SOmfMJ9bHspmi__W4A3jWEDo2veiFPA-HhpjniWGlfRhMH4pcFPZW35XsLi62ajt4SH13yDi6YlpRl7lO3Iq__TxGB3R3OP-FOHvHLVCM2U/s1600/UNESCO-pan-african-forum.png)
UNESCO-ի գլխավորությամբ դեկտեմբերի 11-13-ը Լիբրեվիլում, Գաբոն Անցկացվեց «Աֆրիկյան երիտասարդությունը և Աֆրիկայում խաղաղության մշակույթի զարգացման մարտահրավերը» թեմայով ֆորումը: Ֆորումի նպատակն է ստեղծել երիտասարդական կազմակերպությունների ցանց, որը տարբեր քայլերի՝ երկխոսության, հանդուրժողականության և հասարակական ներգրավվածության միջոցով Աֆրիկայում կտարածի խաղաղության հաստատման մշակույթը:
![](https://blogger.googleusercontent.com/img/b/R29vZ2xl/AVvXsEjOL7xer9ntf5wTiNSIgHzXnpDfhOj-r8it8do7CTqc-bZ5-5b1KL9YQox-TCqJKSZ7h1QV_U9CMjzDnuMdnvMeNxhRRUcwH6M66STHsj92Hg0BGLPthdWhh6jYovjkQ9f71ValEia-cv0d/s1600/European_Parliament_Strasbourg_Hemicycle_-_Diliff.jpg)
Եվրոպական Միության Մոդելը Ստրասբուրգում ամեն տարի մեկտեղ հավաքում է հմուտ և նպատակասլաց երիտասարդ եվրոպացիների, որի նպատակը երիտասարդներին բացառիկ հնարավորության ընձեռումն է ձեռք բերել փորձ Եվրոմիության ինստիտուցիոնալ կառույցներում սկսած Եվրախորհրդարանից: