Առաջին ուսանողական ալիքի շնորհանդես;
«Երիտասարդները հանուն տեղական ժողովրդավարության»;
«Միջազգային հարաբերություններ և դիվանագիտություն» 2015թ.-ի դասընթաց;
;‹‹ԷկոԽնձրիստան››
Դիվանագիտական 6-րդ սեմինար;
Երիտասարդության միջազգային ասամբլեա:
Դեկտեմբերի 3-ին Հայաստանի պետական տնտեսագիտական համալսարանի ուսանողները նույն վայրում ներկայացրեցին առաջին ուսանողական ալիքի շնորհանդեսը, նաև հայատառ «Վիքիպեդիան» հարստացրած 100 տնտեսագիտական նյութերը: Նախաձեռնությունն ուսանողները նվիրեցին բուհի ուսանողական խորհրդի քսանամյակին:
«Ժողովրդավարության և խաղաղության ինստիտուտ» կրթական, հետազոտական ՀԿ-ն «Երիտասարդները հանուն տեղական ժողովրդավարության» ծրագրի ընթացքում Տավուշի մարզի Բերդավան և Ոսկեպար, Գեղարքունիքի մարզի Թթուջուր և Վահան համայնքների 16–27 տարեկան 40 երիտասարդների շրջանում անցկացրել է տեղական ինքնակառավարման համակարգի կառուցվածքային կայացածության հիմնախնդրի լուծմանն ուղղված միջոցառումներ: Կազմակերպվել են դասընթացներ. երիտասարդները ծանոթացել են Հայաստանի տեղական ինքնակառավարման համակարգին, տեղական ժողովրդավարական համակարգերի աշխատանքի սկզբունքներին, քաղաքացիական մասնակցության և սոցիալական գործընկերության հիմունքներին»:
![](https://blogger.googleusercontent.com/img/b/R29vZ2xl/AVvXsEiLFxaeIqNpnuG1Br4gYFw_SqxwMy3sj5vX3cfSd0pDBIw9ohgcG_CeuSNZr5R-kugVdzrKv4R1Pu91ct1tJ-EZF3eJdtVy3Pt-d-LSq4AOb-DqcKOo7daMr3LeF5vnUfqxx09A_KZEUDb3/s1600/ds_admission_hy.png)
Հայաստանի Հանրապետության արտաքին գործերի նախարարության դիվանագիտական դպրոցը հայտարարում է «Միջազգային հարաբերություններ և դիվանագիտություն» 2015թ.-ի դասընթացի մասնակցության մրցույթ: Դասընթացը կմեկնարկի 2015թ. փետրվարին և կավարտվի 2015թ. դեկտեմբերին: Ուսումնական ծրագիրը կազմված է տեսական և գործնական առարկաներից: Դասավանդվող առարկաներից ունկնդիրները կհանձնեն ընթացիկ քննություններ, որոնց արդյունքները, ավարտական քննության, հաճախումների և պրակտիկայի գնահատականների հետ մաս կկազմեն հանրագումարային գնահատականի: Դասընթացը հաջողությամբ ավարտած ունկնդիրները կստանան ավարտական վկայական: Լավագույն շրջանավարտները, ՀՀ օրենքների պահանջներին համապատասխան, կարող են աշխատանքի ընդունվել ՀՀ ԱԳ նախարարությունում:
![](https://blogger.googleusercontent.com/img/b/R29vZ2xl/AVvXsEhur3fPNRfDN0dsJVhjCaKjK8w3LcqiQJtOB2OpFuvtk2zAxUV8YBgxKBYmgOwhdY6d5RZHSmS4qZfl5a-CEskl5kH7tx9oCYkcH0L7oR3LZMs4jOpFPsmbjnqr8j3ig2Mz-F_SQkDuY8qb/s1600/logo_am.png)
‹‹ԷկոԽնձրիստան›› էկոգուղերի ցանցի ստեղծման նախաձեռնության աշխատանքային թիմը նոյեմբերի 24-27-ը դասընթացներ կազմակերպեց Արցախի Պատարա, Աստղաշեն և Խնձրիստան գյուղերում: Դասընթացները կազմակերպվել էին ՀՀ նախագահի գործընկեր Հայաստանի երիտասարդական հիմնադրամի կողմից տրամադրված դրամաշնորհային ‹‹Պատարա և Աստղաշեն համայնքներում գյուղական արտադրանքի բրենդավորում, առաջխաղացում և իրացման կազմակերպում›› և ‹‹ԷկոԽնձրիստան էկոգյուղերի ցանցի էկոտուրիզմի զարգացում›› ծրագրերի շրջանակներում:
![](https://blogger.googleusercontent.com/img/b/R29vZ2xl/AVvXsEhI2_akmYaGCqEcLUH_d4n2j09JmYJnhb4R36SLcKNQ2sP4TfGqtnCxEopB5kmoA_-eEmkL4ssKQuPDEsq3J8BwHFHRx5n_fgXIA9wsxmVQD0ZaiyTxsFDSWe3RpjbbH_M_drj_4gV2YCDm/s1600/norden-gorchakovfund.jpg)
‹‹Գորչակովի անվան›› հանրային դիվանագիտության աջակցման հիմնադրամը դեկտեմբերի 3-ին Մոսկվայում բացեց դիվանագիտական 6-րդ սեմինարը, որին մասնակցում էին 11 երկրների ներկայացուցիչներ՝ երիտասարդ դիվանագետներ, լրագրողներ և տնտեսագետներ: Միջոցառման նպատակն էր արդի աշխարհաքաղաքական զարգացումների վերլուծությունը: Դիվանագիտական սեմինարի ընթացքում տեղի ունեցավ Գորչակովի հիմնադրամի շնորհանդեսը:
![](https://blogger.googleusercontent.com/img/b/R29vZ2xl/AVvXsEitja_xp_asWp4-JX8XSNHj5F_QtjIlG7kaMoBT9xABL2nZYkJqiqVH5TDJn8fYhRIhQPH_P02Ln0aLtmtDc7CJUD3kPGhug3oNSXyprVcmnpWTGi63zih51IrcqLDn5hVMo2Z3xFk6bonb/s1600/WAY-Logo.png)
Երիտասարդության միջազգային ասամբլեան Մալազիայի կառավարության և Ալբանիայի Սոցիալական ապահովության և երիտասարդության նախարարության, նաև Ալբանիայի Երիտասարդական Խորհրդի հետ դեկտեմբերի 7-11-ը Տիրանյայում, Ալբանիայում անցկացրեցին Երիտասարդության միջազգային ասամբլեայի 16-րդ Գլխավոր խոհրդաժողովը Խորհրդաժողովի գլխավոր թեման անցյալում և ապագայում Երիտասարդների առաջնորդությունն է՝ հաշվի առնելով այն փաստը, որ երիտասարները կազմում են երկրագնդի բնակչության գրեթե կեսը` 3 միլն: